Facoltà Teologica

Facoltà Teologia dell'Italia Settentrionale
Sezione del Seminario Arcivescovile di Genova
 



Salita E. Cavallo, 104 - 16136 Genova
Tel. 0102 724 341 - Fax a r.
E-mail facteo.genova@virgilio.it

SACRA CONGREGATIO

PRO INSTITUTIONE CATHOLICA

SACRA CONGREGATIO PRO INSTITUTIONE CATHOLICA

attenta postulatione Commissionis Episcopalis Facultati Theologicae pro Italia Settentrionali praepositae, felicique considerato inspectionis exitu a peculiari Professorum Comitatu in Seminario Archiepiscopali Ianuensi a Benedicto PP. XV nuncupato peractae, cum compererit sacrarum disciplinarum studia in eiusdem Seminarii Cursu Theologico omni cum diligentia a congruo docentium numero promoveri, apta bibliotheca adstante, auctoritate ab Augusto Pontifice PAULO Div. Prov. PP. VI si­ bi concredita,    in integrae Liguris Ecclesiae bonum ac incrementum, memoratum Cursum seu Studium Theologicum in Maiore Ianuensi Seminario vigens, ad normam juris in

PRIMI CYCLI SECTIONEM

FACULTATIS

THEOLOGICAE ITALIAE SUPERIORIS

hoc Decreto e r i g i t atque e r e c t u m   d e c 1 a r a t, ea quidem lege ut omnes in eadem adamussim serventur Facultatis Statutorum normae ad primum cyclum spectantes, obligatione scilicet facta academicae illius servandae conditionis - de docentibus praesertim, studiorum ratione, methodis didactico-paedagogicis investigationisque instrumentis - quae in pari cyclo cuiuslibet diligenter ordinatae Facultatis Theologicae custodienda iubetur; servatis de iure servandis, in primis Facultatis Statutis necnon peculiaribus Ordinationibus et Normis a Facultatis Auctoritatibus pro opportunitate manatis; contrariis quibuslibet minime obstantibus.

Datum Romae, ex aedibus Sacrae Congregationis, d. II m. februarii, in Praesentatione Domini, a. D. MCMLXXVI.

PRAEFECTUS

A SECRETIS